滿記甜品

营业中

休息中

今日假期同屋企人去西贡行山郊游，行完之后梗系去返附近嘅海鲜档食吓海鲜啦，食完海鲜之后大家都好有兴趣嚟到西贡一定要试吓当地好出名嘅甜品，其实满记我都食咗好多次，但系西贡嘅满记真系未食过，我叫咗个杏仁蛋白食，因为我始终都钟意食啲养颜嘅甜品，碗杏仁蛋白一到，已经闻到阵阵嘅杏仁香味😋闻落已经觉得好养颜养生嘅感觉，蛋白好嫩滑杏仁又好香，佢又唔会话太甜，因为出边有啲杏仁蛋白会过甜，呢个甜度啱啱好，最紧要啲杏仁配蛋白真系好正，好味道难以形容，可能我本人钟意食杏仁嘅食物再加蛋白简直系绝配👍🏼