8鍋臭臭鍋 (金巴利道) (已結業)

火锅就食得多，台式火锅系第一次食，感觉好新鲜。8锅臭臭锅以一人一锅嘅形式供应，唔至得8个锅，近期仲推出咗咖哩奶盖锅，可见佢近贴潮流不段革新，而且大部分食材系由台湾入口，原汁原味。午市$88包一个锅+饭/粉丝+饮品。中意食辣嘅我首推台式麻辣锅，可以自选辣度。感觉上麻辣锅嘅配料比较丰富同埋有台湾特色，餐厅亦都安排咗唔少加配材料俾唔够喉嘅客人。麻辣锅嘅配料有牛肉片、甜不辣、米血糕、麻辣饺、沙白、福州鱼蛋、呜门卷、大肠、猪红、鱿鱼圈、炸枝竹、冻豆腐、娃娃菜、青豆角、泡面。依度就净系介绍几款配料。米血糕，即系猪红同糯米整成嘅糕点，烟烟韧韧，猪红味唔重，反而糯米味好香。麻辣饺，皮薄馅多，soak咗辣味嘅饺超入味。沙白，即系贝壳类嘅海鲜，非常鲜美。牛肉片，片片都肥瘦均一，牛肉味又香~最后叫咗香芋奶茶+珍珠，香滑得黎又有浓浓嘅奶香味，而且珍珠非常多。