有蒸氣 海鮮石鍋專門店 (已結業)

农历新年𠮶排，屈得系屋企太耐，同女朋友去咗南丫岛行山，之后就过咗尖沙咀食火锅。一入到去，餐厅唔算太多人，但反而冇平时咁人迫人坐得仲舒服左。今次老板亲自招呼我哋，推介左个海鲜餐俾我哋，仲有自己落手落脚帮我地蒸海鲜。今次嘅海鲜餐包括鲍鱼，海虾，蚌等等，我见材料都非常新鲜，食落去好Juicy，有咬口。我自己其实非常钟意食海鲜火锅，因为佢最能够带出海鲜嘅鲜味，去到最尾海鲜嘅精华仲会滴落去下边嘅粥底入边，煮埋个粥食简直系一流。虽然呢排大家可能都唔系咁想去食火锅，但我又觉得只要注意个人卫生的话，食火锅应该都冇大问题嘅。