洪家手作 洪瑞珍三明治 (已結業)

洪瑞珍三文治平时都听闻过，但就冇咩机会可以食到。而依家佢喺观塘开左分店，笔者我又点可以唔帮衬下。佢地三文治以四片为之一件，同平时喺香港食到两片三文治唔同。洪瑞珍三文治每层面包夹馅料分明，例如第一层第三层系沙拉同牛油，中间火腿，唔会把主菜同酱料混埋一齐。每款三文治卖$22，价钱唔算贵，合理范围之内。 我买左六种口味，分别系 草莓起司﹑蓝莓起司﹑芝麻酱﹑招牌起司﹑招牌火腿 和 满汉。草莓起司﹑蓝莓起司 两款差别唔大，用上的草莓酱﹑蓝莓酱都十分清新香甜，但又唔会覆盖左起司的味道。十分适合喜欢食甜的人。带点咸味的芝麻酱与沙拉同牛油十分配对!如果你系好牛油的人，笔者推荐你食招牌起司﹑招牌火腿依两种口味。依两款口味可以让你细致地品尝到沙拉同牛油配塔所带来的香滑口感! 让人欲罢不能!以上几款三文治份量并不算多，如果想有饱满感，可以尝试食 满汉 这款三文治。它基本上系 招牌起司同招牌火腿的集合体，但满汉更突显咸味。