半路咖啡 (已結業)

早几日约好朋友嚟个小聚，餐厅就拣左上环嘅半路咖啡，打算嚟吸收下文青气息。上环站A出口一直沿楼梯向文武庙方向走，果然系半路咖啡，小店就设系楼梯旁边，唔仔细留意都唔会发现。门面虽少，但麻雀俱全，晏昼三点几，已经三三两两坐到全员满座。店内装饰走清新复古风，完全系文青影相好地方。最特别系采用中国风咖啡杯，福禄寿老瓷杯配西式拉花咖啡，睇都觉得赏心悦目。真系好香港。我最爱嘅flat white，口感顺滑。并非咖啡痴，但饮咖啡独好flat white，呢杯已经满足到我要求。饮到一半见到拉花都仲keep到，好饮Sourdough就系口感十足，唔会似空气包咁食两啖就咩都无，更加啱我口味嘅系唔似某啲ciabatta 咁成条柴咁硬。配上鲜嫩炒蛋同香脆而唔油嘅烟肉，值得一试。虽然咖啡为主，但野食都十分之有水准。朋友叫嘅Cappuccino，见佢饮到尾，相信都好饮。