上海婆婆336 (已結業)

今晚去淘大食饭睇戏，点知呢个M佬放工塞车搞到迟大到，距离开场得番1个钟，原本想打边炉架，依家唔得啦，你开心啦！但点赶时间都好，我唔要食快餐店㗎！好彩，喺淘大花园都有唔少选择，行过见到呢位上海婆婆，我嘅小笼包瘾出晒嚟，今晚一于清清哋，食餐上海嘢啦。366上海小笼包唔知点解，次次食亲上海菜，小笼包都系不二之选！如果个餐无食小笼包，总觉得自己唔系食紧上海菜。上海婆婆嘅小笼包皮够哂薄，肉味仲好浓，咬落去啲汁多到泻，好Juicy呀！点解点解！点解一笼得4只架？M佬，你可唔可以食少只畀埋我呀？排骨担担面担担面嘅汤底真系好重要，不过，好多人食担担面都只会focus系个辣味度，计我话，担担面嘅最大卖点系个花生酱，所以个汤底够唔够香、够唔够浓、够唔够滑，重点都系个花生酱。上海婆婆个汤底够浓，花生味都够香，碗面嘅份量仲够晒多。不过，排骨就略嫌炸得唔够松脆，肉质较实。砂锅云吞鸡除咗小笼包，M佬食上海菜就最钟意食砂锅云吞鸡，贪佢又有汤，又有菜，仲有鸡同云吞食，讲到尾，呢啲叫花心！讲番个锅，例牌有六只云吞，半只鸡，仲有小唐菜，真系好丰富呀！鸡汤呈奶白色，够哂香浓；而鸡肉都好滑，仲好入味添！仲讲？甜品都叫唔切，我