奈良上釜 (已結業)

今日去左呢间食釜饭嘅餐厅食午餐，餐厅有十几个位，唔会好迫，两点先食饭好肚饿即刻叫野食，我拣左海胆釜饭而朋友拣左蟹釜饭。首先黎嘅系前菜，有蒸蛋、冻豆腐同渍物，可以慢慢食等个饭，蒸蛋都几足料，有蟹肉、三文鱼子、冬菇同呜门卷，小小一件冻豆腐加芝麻酱几开胃！等左好几个字个釜饭先黎，打开盖都几足料，差唔多有成板海胆，我即刻拎一半海胆岀黎，另一半就捞饭，咁就可以一啖海胆一啖饭，我觉得咁样食有口感啲，海胆无乜腥味，不过个锅都几深所以好多饭，一个女仔食唔晒。朋友个蟹釜饭一样咁足料，仲有三文鱼子，口感味道都唔错！