東京淺草炸雞專門店 (黃大仙中心南館)

营业中

休息中

呢间炸鸡店喺7月尾嘅时候开张，据闻系来自日本东京浅草。自问去过浅草好多次，都未见过呢间舖。冇所谓啦，最紧要啲炸鸡好食。星期六下昼三点几，呢度都要等位。我只系路过，口痕买咗外卖返屋企食。有两种炸鸡同一种炸鸡翼，我各要一件外卖。香脆鸡比肉（$12/件）+手羽先（$9/只）：坦白讲件头有啲细，鸡比啖啖肉，炸粉唔会过厚，肉汁都够juicy。不过相比之下手羽先有骨咬下，炸粉更薄更脆。极酱汁香脆鸡比（$13/件）呢款即系加左酱汁嘅鸡比肉，比较下都系原味好少少。如果以个人喜好黎排序，我最钟意系手羽先、香脆鸡比肉同极酱汁香脆鸡比。