雪瀛手作 (電氣道) (已結業)

今次喺雪灜手作点咗厚烧鳗鱼玉子饭堡，同埋特厚鸡扒饭堡，酱汁有沙律酱，黑芝麻酱，枫辣酱，同埋青芥末酱拣，两个饭堡今次都拣咗沙律酱，先讲鳗鱼玉子，鳗鱼超多肉汁，超厚好大块 ，夹买厚玉子一齐食口感非常好。而特厚鸡扒入面夹咗厚蕃茄，原来再加埋沙律酱食，味道可以咁夹，食到停唔到口。饮品拣咗士多啤梨加番石榴乳酸，味道好清新好fresh，夏天饮一流，另外仲叫咗冲绳紫薯牛奶，紫薯味浓郁，下次嚟一定要试多次，我哋仲点咗一啲传统日本小食八爪鱼仔，中华沙律，同埋辣螺肉，样样都好新鲜。