Gelare (已結業)

今日我 PaPaccino 一个人食饱饭o系旺角闲逛，行行下攰攰o地就去左家乐坊地下o既Geláre度坐下。虽然呢间舖头o既招牌系雪糕同窝夫，之但系其实佢o地都有卖咖啡架，而且仲有好几款o添，所以最后就决定去坐低叹返杯咖啡休息下喇！虽然舖仔唔算大，座位亦唔算多，但胜在提供一堆杂志比客人睇下揭下，消磨时间～因为岩岩食饱左，前一晚又唔够瞓，所以就叫左杯 Espresso 喇～Espresso o既灵魂就系佢面果层金黄色o既crema，否则就会苦过苦茶。呢杯 Espresso 都算合格，一拎起个杯就闻到香浓o既咖啡味，饮第一啖o既时候，咖啡味甘香而不涩。不过可能o系冲咖啡果阵，咖啡粉压得唔够实，所以饮多几啖之后，面层o既crema就开始散开，饮到尾仲有些少苦涩味。不过，以一间唔系以咖啡作主打o既舖头黎讲，呢个质素都算几好架嘞～整体黎讲，呢杯 Espresso 都唔差架，仲几提神o添，我 PaPaccino 饮完之后又再充满力量，继续行街。最后，如果大家对饮饮食食有兴趣，可以黎我个Blog 睇下架。http://hk.myblog.yahoo.com/call-freebreak