影片
更多
2021-10-26
1598 浏览
东京米芝莲二星天妇罗名店「広尾うち津」在四季酒店开店后，当然一位难求，几个月前订座，呢几日终于都食到午餐。先来前菜三款，胡麻豆腐唔系豆腐上面倒胡麻汁落去，而系本身粒豆腐已经有胡麻味；铿鱼沙律配上醋汁，好清新，再试稍为浓味的海胆鲍鱼，正路嘢。然后先来一只天妇罗海老，鹿儿岛产，一只手指咁长左右。睇相都知，层炸浆唔会好似其他舖头的天妇罗般厚，只系薄薄一层。听师傅话，主要系用来包住食材，用层「衣」嘅热力，令食材变熟，所以唔会好似出面啲虾天妇罗咁，炸到出嚟系韧口，呢度嘅海老系爽口，配上店家自制的舞茸昆布盐，好食。然后系季节蔬菜：细细粒嘅樱桃萝卜，切开一半上，入面仲有水份，点上满是萝卜蓉的天妇萝汁食，萝卜味double。然后系好期待的炸海胆，用紫苏叶包住已调味的北海道产海胆拎去炸，基本上只系炸十几秒就拎返上嚟，令紫苏叶变脆口，海胆微热，放落口系幸福嘅感觉～之后系两款炸卷，第一款系北海道毛蟹汤叶卷，local啲讲即系蟹肉腐皮卷，配以蚕豆、红椒天妇罗。腐皮唔算炸到好脆𠮶种，一定唔系茶楼𠮶啲口感，蟹肉塞满喺腐皮入面，点埋蟹醋汁，绝配。第二款白虾海苔卷，白虾肉鲜甜，包在紫菜里轻轻一炸，配埋Wasabi盐一
先来前菜三款，胡麻豆腐唔系豆腐上面倒胡麻汁落去，而系本身粒豆腐已经有胡麻味；铿鱼沙律配上醋汁，好清新，再试稍为浓味的海胆鲍鱼，正路嘢。
然后先来一只天妇罗海老，鹿儿岛产，一只手指咁长左右。睇相都知，层炸浆唔会好似其他舖头的天妇罗般厚，只系薄薄一层。听师傅话，主要系用来包住食材，用层「衣」嘅热力，令食材变熟，所以唔会好似出面啲虾天妇罗咁，炸到出嚟系韧口，呢度嘅海老系爽口，配上店家自制的舞茸昆布盐，好食。
然后系季节蔬菜：细细粒嘅樱桃萝卜，切开一半上，入面仲有水份，点上满是萝卜蓉的天妇萝汁食，萝卜味double。
然后系好期待的炸海胆，用紫苏叶包住已调味的北海道产海胆拎去炸，基本上只系炸十几秒就拎返上嚟，令紫苏叶变脆口，海胆微热，放落口系幸福嘅感觉～
之后系两款炸卷，第一款系北海道毛蟹汤叶卷，local啲讲即系蟹肉腐皮卷，配以蚕豆、红椒天妇罗。腐皮唔算炸到好脆𠮶种，一定唔系茶楼𠮶啲口感，蟹肉塞满喺腐皮入面，点埋蟹醋汁，绝配。第二款白虾海苔卷，白虾肉鲜甜，包在紫菜里轻轻一炸，配埋Wasabi盐一齐食，爱虾之人如我，好想食多件。
食咗五款天妇罗之后，上咗青森产鲔鱼刺身二食，一款是酱油渍，另一款轻轻炙烧过，没有好特别。转个头又重返天妇罗之旅，先来舞茸，十分浓烈的菌香，推介配上舞茸盐来吃。
宫城帆立贝天妇罗，咬开见到帆立贝仲系半透明，真系炸得刚刚好。面层铺上了红葱、紫苏叶、姜、芝麻，系全餐最浓烈的一道菜，喜欢浓味的朋友一定会钟意，但稍为盖过咗帆立贝的鲜味。
如无理解错，店家行的应是关西风的天妇罗，所以炸衣较薄，炸的时间较短，不过下一道和牛天妇罗，则用了关东风，油温较低但炸的时间较长，所以出来的成品亦较为深色。咬开时入面好热，千祈唔好一啖放落口，食落似系和牛汉堡扒的感觉，有些少肉汁，可配黑蒜汁吃，但牛味几浓，唔点汁食都OK。
再来是熊本的茄子，茄子本身水份多，非常适合用来做天妇罗，点埋天妇罗汁食，唔觉得食紧炸嘢。
九州穴子天妇罗，没有任何汁酱，只食鱼鲜。有时食鱼天妇罗，好易吸哂啲油味，店家用混合芝麻油和棉籽油来炸，味道清淡，所以食落都唔会食到油味，而系食材的味道。
最后一款天妇罗，系かき扬げ，即系混合天妇罗，是不少日本家庭常做的天妇罗，即以粉浆为主，混入食材再拿去炸，今次是虾肉的かき扬げ，可以配饭或荞麦面。
去到呢度基本上食完了，饱住个肚再上埋甜品或水果，分别是酥皮甜蕃薯挞和静冈蜜瓜，为这趟日本之旅来个完美句号。
午餐 约$1600/位
#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #铁食评 #中环美食 #japanesecuisine #日本料理 #天ぷら #天妇罗 #广尾内津 #広尾うち津 #四季酒店 #FourSeasons #FineDining #高级餐厅 @fshongkong #米芝莲 #michelinstar
张贴
