隨心 (已搬遷) 新店位置

星期五放工之后同老公去屋企附近既随心食晚饭。食物唔错之外，服务态度亦唔错。海鲜喇沙粉底系米粉同濑粉两沟，可以同时间食到唔同既口感，喇沙汤底几好味，有椰香，又唔会好辣，配料都好足，有虾、帆立贝、鱼片、蟹柳、蛋、豆卜、芽菜，好丰富。槟城海鲜炒饭上碟热辣辣，连只碟都系热架。炒饭够干身，唔会痴埋一旧，海鲜切到细细旧，令到你每啖都食到唔同既配料。饮品叫左热桂花红茶同冻雪梨茶(少冰)。桂花红茶茶味好浓，雪梨茶够清甜。