隨心 (已搬遷) 新店位置

今晚约咗朋友收工食饭，系鲗鱼涌做野嘅佢带咗我嚟呢间东南亚嘢食，系地铁站行几分钟就到贪佢够方便。主食主要有喇沙同海南鸡等选择，谂到嘅都有。海鲜喇沙 $85-配料好足，有大大粒帆立贝、两只大虾、鱼片、蟹柳等，喇沙汤阵阵椰香味，豆卜索晒啲汤汁好味。海南鸡饭 $85-东南亚菜必食，无骨鸡又多又大块，亦好嫩滑，皮下脂肪少。汤好清甜饮得出无味精。咖哩薄饼(二) $32-薄饼热辣辣，一块都几大下，咖哩味浓郁唔算太辣。