糖品 (已結業)

住喺筲箕湾几年成日经过呢间糖水舖，但因为无食宵夜习惯所以一直都无嚟过帮衬。同fd喺附近食完韩烧就嚟食糖水，坐低倾多阵计。餐牌上选择多到好得人惊，应该有过百款，好多都好吸引！本身三个女仔打算share两个甜品，但因为好多都想试，最后都嗌咗三样落单后等咗十五分钟先有得食，我哋为咗坐低倾计所以等耐少少都无所谓。椰皇芒果风情卖相好靓好吸引！表头系芒果雪糕，里面系椰汁底，有寒天啫喱、脆珠、三色芋圆、小丸子同新鲜芒果。椰皇炖奶可以加配料，加钱加咗四粒芝麻汤丸。炖奶香滑香浓牛奶味汤丸大粒烟靭，黑芝麻馅够香黑白配系芝麻糊拼蛋白杏仁茶，芝麻糊香浓，杏仁茶杏仁味好香而且滑溜，甜度适中总括嚟讲几款糖水都好好好味，只系椰皇芒果风情定价比较进取，但其实份量几大，所以都可以接受。下次仲想嚟试下其他甜品！