孖寶小廚

营业中

休息中

孖宝，呢个名一听就知系街坊茶记！身为东大街嘅街坊，梗系要揾返间主场外卖饭堂开餐。其实茶记最重要系快，靓，正。。呢间其实有做埋小菜，厨房炒粉面，味道品质都唔错，所以一向都有好多街坊捧场！最正嘅系佢嘅下午茶，由下午2点就有得食，仲有好多选择。。🐯就最钟意食佢嘅窝蛋肉酱饭！味道就系80,90年代传统快餐店𠮶种，但呢间个肉酱做得比较无咁甜，啱哂个人口味。另外再加多个炸鸡肶🍗薯条。。可能系外卖关系，送到嚟个皮已经唔脆，虽然其貌不扬，但食落都唔干柴，啲鸡肉都腌得入味，都算可以！虽然好多人话东大街好多美食，每逢周末都有好多”识食之人”专登入嚟做排队党，迫满哂条行人路，为求食返碗”出名”嘅什么腩粉面。。但个人认为，宁愿食返间地道街坊茶记仲好，起码唔使排餐死！