天外天

终于等到SEAFOOD LOVES SAKE既活动，海鲜同清酒都系我致爱。今次黎到Hotel Icon staycation，顺便黎酒店既中菜馆天外天食饭，咁岩遇著我想参加个清酒活动，真系完美计划。Hotel Icon酒店服务我一直好满意，住过几次，今次食饭主菜系金汤芙蓉星斑件配开运猫纯米。经理介绍系用东星斑黎煮，而上汤用左鸡肉、猪肉及鸭肉等食材熬制，虽然听落系普通食材，但厨师令到啲鱼肉既鲜甜味完全发挥左出黎。经左火入式杀菌后急速冷却既清酒，再带蜜瓜同小黄瓜香气，为鱼肉提鲜。普通食材配上特别煮法同清酒，有另一番味道。