影片
更多
2013-07-22
791 浏览
记得喱间餐厅之前做过团购，不过当时未有时间试，咁啱旧同事聚会，就拣咗嚟喱间东欧风情嘅餐厅。一入到去就好似真系去咗东欧咁，由灯光，枱櫈，碟，刀叉，天花，墙身，吧枱，甚至音乐都别具特式，绝对可以睇得出老板喺装潢同气氛方面下咗唔少苦工!我地早一日订咗七点钟，去到已经有位唔洗等，七点几之后陆续开始有人，有唔少仲系情侣嚟，因为喱度嘅气氛都几好，环境唔太静唔太嘈，灯光柔和同烛光配合，情侣谈心确系一流。等齐人我地开始点菜。我地点咗个俄国杂锦沙律做头盘，因为我地六个人嘅关系，每个人只可以分到一两口，大家都系浅尝一下。沙律以薯仔，肉粒，同香草为主，味道清新，作为开谓菜都唔错。到主菜，我地6个人叫咗5个主菜大家一齐开心share~1. 烤猪手猪手一放上枱已经闻到好香，之后小女子就负责解剖佢。一切落去就感受到表面层皮奇脆无比，而且层脆皮系比较薄身，油份唔会太多，感觉一啲都唔腻。里面嘅肉都算几嫩口，只系则边外露嘅地方可能烧得有啲干身，感觉较为”鞋”口。不过猪手味道唔会好似德国猪手咁得股咸味，面头有小小蒜蓉香，喱只做法系令我地可以食到肉本身嘅鲜味。可惜旧骨头比较大，实在有啲到喉唔到肺呢~2. 烤炉鱼炉鱼伴随奶白
一入到去就好似真系去咗东欧咁，由灯光，枱櫈，碟，刀叉，天花，墙身，吧枱，甚至音乐都别具特式，绝对可以睇得出老板喺装潢同气氛方面下咗唔少苦工!
我地早一日订咗七点钟，去到已经有位唔洗等，七点几之后陆续开始有人，有唔少仲系情侣嚟，因为喱度嘅气氛都几好，环境唔太静唔太嘈，灯光柔和同烛光配合，情侣谈心确系一流。等齐人我地开始点菜。我地点咗个俄国杂锦沙律做头盘，因为我地六个人嘅关系，每个人只可以分到一两口，大家都系浅尝一下。沙律以薯仔，肉粒，同香草为主，味道清新，作为开谓菜都唔错。
到主菜，我地6个人叫咗5个主菜大家一齐开心share~1. 烤猪手
猪手一放上枱已经闻到好香，之后小女子就负责解剖佢。一切落去就感受到表面层皮奇脆无比，而且层脆皮系比较薄身，油份唔会太多，感觉一啲都唔腻。里面嘅肉都算几嫩口，只系则边外露嘅地方可能烧得有啲干身，感觉较为”鞋”口。不过猪手味道唔会好似德国猪手咁得股咸味，面头有小小蒜蓉香，喱只做法系令我地可以食到肉本身嘅鲜味。可惜旧骨头比较大，实在有啲到喉唔到肺呢~2. 烤炉鱼
炉鱼伴随奶白色嘅汁，不过小女子食唔出系咩嘅用料，个汁食落有啲膻味，唔知系咪有羊奶成份?! 炉鱼肉质尚算几嫩滑。3. 俄国肉肠
味道都OK，唔会太咸，红色嘅酱汁都几配合。4. 烧春鸡
春鸡有一只，味道唔算太特别，不过又系几欣赏红色个汁。5. 菜肉卷
呢个估你唔到几特别，菜包住肉碎，啲肉碎入口即溶，肉味几好，唔错。食到咁上下走净我地一枱，怕防碍老板收工，我地就叫埋单。点知老板好热情，帮我地喺店舖入面影相，又带我地去个冰室入面参观。老板仲帮我地拎晒角度影相，又请我地饮东欧入购嘅伏特加。老板嘅伏特加好好饮，一啲都唔会有抢喉嘅感觉，超级香淳！
未有机会试个炒雪糕，下次一定要试下~ 同事有计划喺喱度包场庆祝，期待呢~~
张贴
