大頭蝦南風海鮮酒家

营业中

休息中

圣诞节同朋友去完迪士尼都已经有啲攰，所以就揸车睇吓附近有啲咩食，好彩俾我哋见到一间大排档附近可以泊车😎今日想同大家介绍嘅系位于东涌嘅大头虾南风海鲜酒家 玩咗一日都好肚饿啦，所以我哋都叫咗四个小菜。第一个介绍嘅系我最爱嘅黄金鲜鱿，可以讲佢哋嘅炸物真系好出色。佢哋嘅炸粉唔会话好多，鱿鱼都好大条，炸到真系金黄色咁样好香脆松软，咬落去仲系好热嘅😘❤️最钟意食啲热辣辣嘅炸物 第二个豉味虎皮尖椒，我本身系一个唔钟意食三色椒唔钟意食任何尖椒嘅人，但因为朋友钟意食，所以就叫咗！ 我试左一旧，佢调味调得好好好入味，咬落去都好淋，几好食😋 我哋仲叫咗一个沙拉骨同埋一个蒜香骨🤪🤪 蒜香骨真系超多蒜蓉，啱晒钟意蒜蓉嘅我哋 唔知食完会唔会口臭 但真系好好食 佢啲蒜蓉炸得又系刚刚好 有浓浓嘅蒜香味 一啖蒜蓉一啖肉 再慢慢咬埋旧骨 好正🫡😋我觉得这间餐厅比较适合一家大细，同埋有揸车嘅大家 去完迪士尼，都可以揸嚟呢边食饭😘👍🏻