大頭蝦南風海鮮酒家

营业中

休息中

老板请食饭，收工近近地同班同事过左黎，呢间海鲜酒家位置都几隐蔽，吾系大街大巷，都比较难揾少少，人流虽然无外面餐厅咁多，但可以坐耐少少倾下计慢慢食，聚餐都几好，吾洗食到咁赶嗌左5个小菜＋1盘烤鱼，烤鱼选择都几多，嗌左半边巴蜀川味烤鱼，上枱有埋炉一直煮住，吾怕会冻，条鱼越煮越入味，少少麻，少少酸，越食越辣咁，连d配菜都好吸汤，惹味！吾只烤鱼吾错，就连小菜都几好食！嗌左2款海鲜都好正！香茅胡椒虾味道好特别，好夹！胡椒味好出，虾又够大只，炒得好香，真系好好食！而泰式咖哩膏炒青口就好惹味，青口超大只，而且够饱满，只只都好肥美！韮菜花炒咸肉，调味岩岩好，吾会过咸，咸咸香香咁，而韮菜花炒得够爽口！黑椒牛仔骨煲，黑椒味浓郁，牛仔骨份量足够，好岩送饭，惹味好好食！烧味双拼嗌左烧鸭拼叉烧，烧鸭好食，吾会好油腻，配埋酸梅酱一流！而叉烧略带瘦少少，吾会有油腻感，肉质吾错，食落吾会鞋口！呢间d小炒真心吾错，期待下次再黎试下其他！