大頭蝦南風海鮮酒家

营业中

休息中

估唔到东涌有出色大排档， 地点系北大屿山医院对面， 有室外、 室内位置的， 当然拣有冷气位啦，大头虾有烧味、 酸菜鱼、烤鱼、鸡煲等食。当然叫左烧味并盘， 有烧肉、 烧鹅， 烧肉味道刚好， 猪皮脆卜卜， 肥瘦均匀； 烧鹅烧得好香， 鹅皮都非常脆， 鹅肉鹅味好皇， 加上鹅汁送饭一流！ 仲有叫左蒸鲩鱼， 系新鲜鲩鱼来的， 蒸的火喉刚刚好， 鱼肉好滑， 鱼皮食落有弹性， 鱼肉淡淡肉配上葱油送饭好正！另外想食一个菜， 叫左蒜蓉炒生菜， 生菜好新鲜是即炒的， 用左新鲜蒜头去炒的， 菜食落口滑溜溜又爽口！ 另外口痕还叫左豉椒炒蚬， 蚬是新鲜的又无沙， 蚬肉爽口， 而且用左好多配料去炒， 炒蚬非常用心。