大頭蝦南風海鮮酒家

营业中

休息中

东涌一日游，去完昂平360，行下东荟城就系附近揾下有咩食，同屋企人食都会揾啲大件夹抵食的餐厅，见有大排档就去试试。我地叫左例牌烧鹅，黄金(咸蛋黄)鲜鱿，蒜蓉炒时菜(菜心)同蜜糖黑椒薯仔牛柳粒。全部𩠌黎到都系热辣辣。例牌烧鹅，唔知系唔系啱啱做好所以好脆同埋啲烧鹅都好令，肥瘦平均。咸蛋黄鲜鱿，每件都大大旧同咸蛋黄每件都沾满。蒜蓉炒时菜，啲菜加蒜蓉好香。蜜糖黑椒薯仔牛柳粒，啲蜜糖比得够多，每啖都好甜，我本身就中意食蜜糖，所以就好中意尼道菜，薯仔系脆有炸过，牛柳唔会咬唔开。整体上，每样菜都好有获气，系真正的大排档值得一赞的是服务员个个态度都好好。一定有下次，我临走前仲见到即场烧紧乳猪，下次等我又order先。见平日都满座，建议黎之前先book位。