影片
更多
2023-09-20
72 浏览
一班朋友去完大澳郊游，出番东涌揾食，厌倦了商场嘅连锁式餐厅，喺开饭网search到呢间大排档，一于行多两步路试下菜先。去到见到爆晒场，相信都真系深受街坊欢迎！南风小炒王（$118）小炒王嘅材料十分丰富，有虾仁、鱿鱼、腰果、菜甫、韮菜等，送啤酒一流！🍻菠萝生炒骨（$98）甜甜酸酸超开胃嘅生炒骨，外皮炸得酥脆，汁料刚好裹上每件排骨，系白饭嘅好朋友。豉汁蒸鳝（$178）食大排档都要嗌个功架菜，蒸鳝呢啲屋企稍为难处理嘅菜式，一场嚟到真系要试，鱼肉蒸得刚好，唔会太老太韧，爱鱼者必点！椒盐鲜鱿（$108）继续系啤啤佢时间！热辣辣油炸嘅鱿鱼蘸上特调嘅喼汁，带点甜酸，十分有特色。啫啫鸡煲（$102）再次系白饭嘅好朋友，原煲上枱嘅啫啫鸡煲，经过极高温烧焗后，煲中嘅汁发出滋滋声，超级有风味，鸡嘅份量绝不吝啬，食极都仲有，人多必点！呢间大头虾都可算系东涌少见咁有气氛嘅大排档，值得再去！
一班朋友去完大澳郊游，出番东涌揾食，厌倦了商场嘅连锁式餐厅，喺开饭网search到呢间大排档，一于行多两步路试下菜先。去到见到爆晒场，相信都真系深受街坊欢迎！
南风小炒王（$118）
小炒王嘅材料十分丰富，有虾仁、鱿鱼、腰果、菜甫、韮菜等，送啤酒一流！🍻
菠萝生炒骨（$98）
甜甜酸酸超开胃嘅生炒骨，外皮炸得酥脆，汁料刚好裹上每件排骨，系白饭嘅好朋友。
豉汁蒸鳝（$178）
食大排档都要嗌个功架菜，蒸鳝呢啲屋企稍为难处理嘅菜式，一场嚟到真系要试，鱼肉蒸得刚好，唔会太老太韧，爱鱼者必点！
椒盐鲜鱿（$108）
继续系啤啤佢时间！热辣辣油炸嘅鱿鱼蘸上特调嘅喼汁，带点甜酸，十分有特色。
啫啫鸡煲（$102）
再次系白饭嘅好朋友，原煲上枱嘅啫啫鸡煲，经过极高温烧焗后，煲中嘅汁发出滋滋声，超级有风味，鸡嘅份量绝不吝啬，食极都仲有，人多必点！
呢间大头虾都可算系东涌少见咁有气氛嘅大排档，值得再去！
张贴
