반찬앤쿡 Banchan and Cook (東薈城名店倉)

营业中

休息中

呢间餐厅一直都好评如潮，一直都未有机会试！趁今日难得嚟东荟城买野，当然要食埋呢间Banchan and Cook先返屋企啦🥰墨鱼大虾鱼籽意粉啲墨汁好浓好香，意粉内夹住啲菇和墨鱼，令到每一啖意粉食落口更有口感！虾同鱼籽都好足料！绝对系诚意之作😋👍🏻玫瑰酱芫茜大虾蛋包饭个玫瑰酱真系好好味，配返个蛋真系好好味😋 个蛋的生熟度啱啱好，果然系食蛋包饭嘅专门店！炸鸡拼盘 (原味+甜辣+柑橘)炸鸡非常之Juicy！我哋叫嘅呢三只味道，除咗食到原味本身的质素，有酸，又有辣，好开胃，一啲都唔腻！小甘笋芝士蛋糕净系望个蛋糕造型已经好吸引！芝士蛋糕好浓郁，啲芝士香味将住成个嘴，掂！朱古力咖啡钟意Mocha嘅一定喜欢，朱古力同咖啡同埋cream啲比例啱啱好 !红豆鲜奶我本身好钟意食红豆！红豆味够香甜，同啲鲜奶直程非常夹，令人怀念的味道！我好钟意呢杯红豆鲜奶，下次你一定会再饮😋👍🏻啲食物样样都好好味！价钱合理！摆盘又摆得靓，下次带埋仔女黎食先🥰