影片
更多
2016-08-14
863 浏览
啱啱过去嘅六月尾、七月初，去咗一趟北海道花田半自由行10日游，当然，食咗唔少海鲜、刺身、蟹脚、寿司……等等美食啦，玩亦玩得开心。行程嘅第二日就喺到访札幌市嘅二条市场，更晌市场内嘅「どんぶり茶屋」以海鲜丼作为早午餐，至今，仲好怀念其美味。早前，晌报纸见到「松」嘅介绍，仲话喺艺人马德钟开，啲艺人为打响名堂，相信会落足料、俾足心机去做，故值搏率高，所以，从心所欲嚟到食餐晏，再尝尝海鲜丼嘅滋味。可能有啲人会觉得位置吊脚，其实由港铁红磡站过嚟都只喺10分钟之内。由于店家定位为餐厅兼酒吧，所以，格局比较摩登有型，一边嘅玻璃柜放满唔少餐酒、日本酒。近门口一排喺4人座，而中间一排喺可以对住师傅做菜嘅吧位，此外，仲有啲厢房，但就无刻意走入去影相。午餐嘅选择一个揭页餐牌、两页A4纸印晒出嚟，选择唔算少，头头尾尾共有16款，有平有贵（$70-$238）。当然，以刺身类定食就肯定贵啲啦，例如最平嘅角切什锦鱼生丼卖$168，而最贵嘅刺身定食则卖$238；其次，7款肉类嘅定食则属中价级别，定价晌$88-$128之间；相对平啲，就有3款乌冬可供选择分别卖$70 / $98。定食包前菜、沙律、面豉汤及甜品（或咖啡），
可能有啲人会觉得位置吊脚，其实由港铁红磡站过嚟都只喺10分钟之内。由于店家定位为餐厅兼酒吧，所以，格局比较摩登有型，一边嘅玻璃柜放满唔少餐酒、日本酒。近门口一排喺4人座，而中间一排喺可以对住师傅做菜嘅吧位，此外，仲有啲厢房，但就无刻意走入去影相。
午餐嘅选择一个揭页餐牌、两页A4纸印晒出嚟，选择唔算少，头头尾尾共有16款，有平有贵（$70-$238）。当然，以刺身类定食就肯定贵啲啦，例如最平嘅角切什锦鱼生丼卖$168，而最贵嘅刺身定食则卖$238；其次，7款肉类嘅定食则属中价级别，定价晌$88-$128之间；相对平啲，就有3款乌冬可供选择分别卖$70 / $98。
定食包前菜、沙律、面豉汤及甜品（或咖啡），然而，乌冬定食就只配甜品或咖啡啫。
未讲嘢食之前，值得一提喺啲餐具，无论小至装前菜、沙律、面豉汤嘅小碗，大至盛海鲜丼嘅石碗，非常精致，好有手感，连枱垫都喺一块过嘅木板，沉实而带光泽，就算最尾只咖啡杯，俾人感觉都唔普通。
沙律简简单单青瓜薄片、沙律菜及车厘茄，淋上柚子醋，胜在用料新鲜，感觉清新。
前菜侍应话会不时转款，今日晏昼就喺酱油渍牛肉粒，肉质挺实有啲似食牛脷，却较为松化啲，然而肉味浓郁。
面豉汤呷一口，面豉嘅味道浓重不浊，内有唔少昆布，如果加多少少豆腐粒就更合心水，不过，整体个面豉汤确喺唔错。
特级刺身丼 $218真喺无拣错，送到上枱单讲卖相基本上已经无得输咁滞，听侍应介绍一次有咩刺身已经听落都兴奋，不过，真喺听完一次都唔记得乜嘢打乜嘢，麻烦慢慢重覆多一遍，唔该！由12点位开始介绍吓：三文鱼籽、海胆、中吞拿鱼腩（中拖罗）、吞拿鱼腩（拖罗）、深海池鱼（有两件）、油甘鱼、立鱼、鱪鱼（店中时令推介，听都未听过嘅鱼类，初时仲以为喺「柱」鱼，真失礼）、银鳕、帆立贝（带子）、北寄贝、甜虾、玉子（中间位），足足有成12款刺身，铺满整个饭面，几强势，再伴以酸姜片及鲜磨山葵，饭底喺加入少少醋嘅珍珠米，仲内藏酱油渍嘅冬菇丝（好好味嘅）。
特级刺身丼
$218
22 浏览
1 赞好
0 留言
三色丼 $188唔一定想试多花款嘅人，可以考虑吓三色丼，三色分别喺三文鱼籽、海胆、香葱吞拿鱼碎伴少少芝麻，因为只有3款刺身，所以，相对地每一款刺身嘅份量都会占番多啲，但整体而言，刺身嘅份量真不少，一样铺满饭面。不过，特级刺身丼嘅石碗有一个10吋薄饼之大，而三色丼嘅石碗则大概8吋薄饼嘅大细。
三色丼
$188
35 浏览
2 赞好
0 留言
甜品友人较喜欢甜品，所以，选择咗樱花雪糕，其实，卖相上可以再执得靓仔啲，例如个雪糕球做得圆滑啲，加一小片樱花做装饰，不过，依个时间相信揾片樱花可能有啲难，而味道方面，小弟小试一口，感觉只喺中规中矩。
即磨咖啡小弟就较喜欢呷杯咖啡，咖啡以咖啡机即磨制成（因为见到店内远处有一小座咖啡机），味道不俗，都够香醇。但最喺欣赏喺套咖啡杯碟，特别而带点和风味道。
两个海鲜丼都好正，服务亦好熨贴，知道我哋喺一齐共享两个海鲜丼，就拎两只小碗俾我哋用；此外，除不时为我哋添上抹茶，每道菜上枱都会介绍，尤其海鲜丼，真喺每一款食材都逐样介绍，而且，侍应都非常有礼，整餐饭都让人食得舒服、称心。食套餐，香港人一般都期望喺包埋甜品及饮品，唯一希望可以「松」善如流，考虑定食可以改为两者兼得，而唔喺任择其一啦！
张贴
