奇華餅家 (創紀之城五期(apm))

营业中

休息中

唔知咩时候，奶皇月饼比传统嘅莲蓉月饼更成为主打咁，家下啲饼店、酒店、酒家、食肆推出嘅月饼大多数喺奶皇月饼。个人觉得，奶皇所做出嚟嘅变化比较多，可塑性强，当然利钱亦非常之高。中秋将至，总会收到少少月饼，友人送嚟一盒正就是奶皇月饼，出自「奇华饼家」。礼盒外观以橙白双色配衬，并以简约金线勾画出跳跃嘅小兔，予人感觉清雅不俗气。而呢盒名为「鸳鸯奶皇」礼盒，内有4个迷你松子蜂蜜奶皇月及4个迷你蛋黄奶皇月。打开包装，先有一张店家嘅推荐食法介绍，以微波炉翻热又得，用小焗炉烘热都得，睇公仔一睇就明。翻热后，可令奶皇馅烘得更绵滑芳香。讲到包装，每个独立包装够晒卫生，每个月饼面都有「奇华」或「蜜」字样式属喺咩口味，唔使担心搞错。迷你松子蜂蜜奶皇月两款月饼都烘得金黄，字纹清晰，先试试个松子蜂蜜奶皇月，奶皇嘅色泽偏浅，但带有阵阵蜂蜜清甜味，奶皇搭蜂蜜确喺几醇香嘅配搭；此外，混入粒粒松子仁，多咗份口感之余，更喺健康有益。一次过食完两个，都仲回味紧呢份天然滋味！迷你蛋黄奶皇月印象中，两三年前都食过「奇华」嘅蛋黄奶皇月，今回再食，仍觉得水准依然。切开一睇，皮薄而入口松化，饼底更有少少松脆感，饼心嘅奶皇馅色泽橙红，烘热