影片
更多
2022-10-09
233 浏览
🇭🇰Hong KongCrab teppyanki set for two $3980👯♂️📍Address: Sanwa Jo, Kowloon City今日黎到九龍城呢間相當有氣派嘅餐廳，全落地玻璃，整樓高五層，一入到餐廳，侍應會招呼你入lift，帶你入到相應嘅樓層。呢間餐廳嘅日本概念比較特別，分別提供傳統嘅端爐燒、壽司刺身及omakase，整體嘅食物質素同埋服務態度，令客人感覺良好，今次我哋就試咗鐵板燒，望住廚師製作料理嘅過程，令人賞心悅目✨餐廳安排非常特別，首先會特意安排水果，清新客人嘅口腔，等客人可以享受到前菜。前菜係令人震撼嘅和牛刺身，配上洋蔥、柚子、醬油，和牛上面雲石油花紋理好吸引，入口鮮甜充滿油香，生食不點任何醬汁，已經美味非常，可見食材的優質。第二道菜金綢魚，立鱗燒嘅做法，師傅喺我哋面前用又將魚皮處理得金黃香脆，視覺上非常享受，配上南瓜海膽松露醬，入口同時有幾個豐富層次。第三道重頭戲，日本北海道長腳蟹，採用檸檬、柚子胡椒調味，配菜紅加侖子有養顏美顏功效。餐廳嘅長腳蟹每日由日本新鮮運到，早上運到、晚上即日烹製，師傅首先會將蟹煮到七至八成熟，送到客人手上嘅時候餘溫會將佢煮
Crab teppyanki set for two $3980👯♂️
📍Address: Sanwa Jo, Kowloon City
今日黎到九龍城呢間相當有氣派嘅餐廳，全落地玻璃，整樓高五層，一入到餐廳，侍應會招呼你入lift，帶你入到相應嘅樓層。呢間餐廳嘅日本概念比較特別，分別提供傳統嘅端爐燒、壽司刺身及omakase，整體嘅食物質素同埋服務態度，令客人感覺良好，今次我哋就試咗鐵板燒，望住廚師製作料理嘅過程，令人賞心悅目✨
餐廳安排非常特別，首先會特意安排水果，清新客人嘅口腔，等客人可以享受到前菜。前菜係令人震撼嘅和牛刺身，配上洋蔥、柚子、醬油，和牛上面雲石油花紋理好吸引，入口鮮甜充滿油香，生食不點任何醬汁，已經美味非常，可見食材的優質。
第二道菜金綢魚，立鱗燒嘅做法，師傅喺我哋面前用又將魚皮處理得金黃香脆，視覺上非常享受，配上南瓜海膽松露醬，入口同時有幾個豐富層次。
第三道重頭戲，日本北海道長腳蟹，採用檸檬、柚子胡椒調味，配菜紅加侖子有養顏美顏功效。餐廳嘅長腳蟹每日由日本新鮮運到，早上運到、晚上即日烹製，師傅首先會將蟹煮到七至八成熟，送到客人手上嘅時候餘溫會將佢煮到剛剛好，蟹肉相當Juicy，可見非常細心
第四道菜，採用昆布鹽、香草鹽、獨子蒜、岩鹽、金山寺麵鼓，配上米沢牛和牛，師傅特意唔會加太多鹽，食到和牛嘅原味，個人特別喜愛昆布鹽見加上獨子蒜嘅食法，調味不會過於太鹹，提升和牛嘅層次，入口充滿油香外更加惹味。
就快食完之際，端來一碗大蜆清湯，大蜆非常新鮮，湯頭鮮甜暖胃，一解油膩。解一解油膩後，師傅又喺我哋面前炒飯，用上洋蔥粒、蘿蔔粒、泰國蘆筍、和牛粒，炒飯粒粒分明，金黃香口。最後甜品係四川冰粉，上面有火龍果粒、西瓜粒、杞子、山楂，一解油膩，冰涼入心🙇♀️
张贴
