松記粥品

营业中

休息中

呢晚夜收工, 经过又新街见到呢间松记粥品, 开咗几个月都未试过, 今晚就入去试吓先。 店内客人唔多, 地方都几干净, 店内写住系无厕所既。 我样样都想试, 但系食自己一个, 只能够拣咗个鱼片咸廋肉粥、虾米肠、牛脷酥。 阿姐问我牛脷酥使唔使碎上, 好细心。个粥底好绵, 啲料粥料味道都唔错, 虾米肠系即叫即做既, 好味道, 牛脷酥好大件, 味道一般, 如果系热既我估会好好多。禽晚又走去食, 试咗个鱼片咸蛋粥(无影相), 有成只咸蛋, 啱晒我, 今次试咗个萝卜糕, 我觉得个糕粉太多, 所以有啲硬, 不过咪道都唔错。  店内员工服务态度好好, 我见到有啲客睇咗个餐牌好耐先至叫嘢食, 阿姐都无黑面, 仲有个客叫阿姐收咗佢枱上既碗, 因为个客好细声阿姐听唔到佢讲乜, 问佢讲乜嘢, 个客就好大声咁话"叫你收碗呀, 讲乜!", 态度恶劣, 点知个阿姐一啲都无嬲, 仲好有礼貌咁同个客讲"唔好意思, 我头先听唔到你讲乜", 嗱嗱声帮佢收咗佢个碗, 服务态度一流呀。