影片
更多
2014-07-02
1329 浏览
上次同几个朋友去完荃湾广场揾食，今回就嚟到大坡坊依边，见间铺名同小弟啲食评标题咁，钟意玩食字 ，所以，特别有印象。依晚4人行人少少，一齐嚟食个晚饭，倾吓偈，交流一下饮食心得 。环境茶记格局，唔使多描述，以4人卡位居多，梳化櫈，但木板靠背，唔算太好坐，不过，茶记又唔喺食环境，预咗啦，重点喺啲嘢食平靓正嘅啫。早午市主要喺茶记模式，主打都喺啲早餐、面餐、三文治餐、午餐、碟头炒粉饭面、常餐、下午茶餐……等等。当然碟头炒粉饭面、常餐就照例全日供应 。一到夜晚，碟头炒粉饭面当然都仲有供应，不过，就有多另一个小菜餐牌，所以，晚市亦锐意做晚饭小菜生意。菜式由汤类、鸡类、鱼类、铁板类、煲仔类、小炒类、海鲜类、蔬菜类、蒸类…以至黑松露菜式 ；此外，亦加啲2、4人套餐可选。就算唔叫套餐，晚饭食小菜，都附送白饭，及饮品半价，变相加钱变套餐，不过，如果免费送多个老火汤就仲好喇，话晒城市人有啖汤水感觉窝心好多 ！ 招牌桶骨大白菜 $80 既然暂未有例汤送，当然叫番个招牌汤滋润一下。成盆猪桶骨大白菜汤，份量可不少，足够6个人饮，而最令人注目，莫过于几件啬巨型猪桶骨，大过个拳头有多，而啲肉食落又唔嚡㖞
环境茶记格局，唔使多描述，以4人卡位居多，梳化櫈，但木板靠背，唔算太好坐，不过，茶记又唔喺食环境，预咗啦，重点喺啲嘢食平靓正嘅啫。
早午市主要喺茶记模式，主打都喺啲早餐、面餐、三文治餐、午餐、碟头炒粉饭面、常餐、下午茶餐……等等。当然碟头炒粉饭面、常餐就照例全日供应 。
一到夜晚，碟头炒粉饭面当然都仲有供应，不过，就有多另一个小菜餐牌，所以，晚市亦锐意做晚饭小菜生意。菜式由汤类、鸡类、鱼类、铁板类、煲仔类、小炒类、海鲜类、蔬菜类、蒸类…以至黑松露菜式 ；此外，亦加啲2、4人套餐可选。就算唔叫套餐，晚饭食小菜，都附送白饭，及饮品半价，变相加钱变套餐，不过，如果免费送多个老火汤就仲好喇，话晒城市人有啖汤水感觉窝心好多 ！
招牌桶骨大白菜 $80 既然暂未有例汤送，当然叫番个招牌汤滋润一下。成盆猪桶骨大白菜汤，份量可不少，足够6个人饮，而最令人注目，莫过于几件啬巨型猪桶骨，大过个拳头有多，而啲肉食落又唔嚡㖞，当然，最重要个汤胆，奶白色嘅浓汤浓香柔顺，有点点滑溜嘅感觉，大白菜又食落清甜，「招牌」之名都唔太流㖞 ！
蜜桃酱烧虾球 $78 海鲜类拣嚟依道烧虾球，一身橙红鲜艳，色泽非常抢眼。虾球去壳拆肉，食起嚟比煎虾碌方便，而且，采用大虾啖啖肉份外滋味，加上虾肉又挺爽口。咬落先知，虾球包了一层薄薄粉浆，就好似做天妇罗咁，不过，添上蜜桃酱汁后炸浆已唔多脆，个人认为大可省略依个工序。反而几钟意个酱汁，虽知蜜桃喺罐头货，但酸甜度几平衡，稀杰度又啱啱好 。
黑松露虾仁蒸豆腐 $78 见到主菜牌中有一栏「极品黑松露」，睇嚟似乎几有睇头，当然好想知佢有几厉害。几款黑松露菜式中，最心水喺依道蒸豆腐，因为黑松露味浓，而豆腐则味清，好想试吓有无火花。其实卖相有少少心思，但制作上却有啲粗糙，主要喺个豆腐做得岩巉，如果工整啲就更好睇 。卖相嘅嘢或许对一间茶记而言要求高咗啲，但豆腐唔滑却实在喺一个事实，纵使虾仁不俗，黑松露酱又带出份幽香，始终对蒸豆腐喺有期望 。
蒜子枝竹冬菇炆盲曹 $78 同枱老友都喺好鱼之人，又点可以唔点番一条鱼呢？盲曹都比较少食，就要一碟蒜子枝竹冬菇炆盲曹。条盲曹都颇大条，碟上满满枝竹同冬菇，又腍又香，配合茨汁又几惹味，最紧要鱼肉入口挺实净，唔会削霉霉，新鲜度足 。
蒜子虾干鱼鳔浸娃娃菜 $70 惯性动作，蔬菜类菜式又喺必不可少，十多款选择，原来朋友喜欢食鱼鳔，应属少众喜好，幸而小弟都啱食。鱼鳔，平时晌街市叫开都喺鱼肚、鱼卜，因为带有腥味都较少人买嚟煮，对比起由大海鱼嘅鱼鳔制成矜贵嘅花胶又不可同日而语。难得碟鱼鳔处理得唔腥，配合蒜子、大粒虾干、姜葱等配料，又以鱼汤入馔，整体味道咸咸鲜鲜 。反而，垫底嘅娃娃菜晌依道「菜」式成为咗大配角啰！
黑松露蛋白海鲜炒饭 $60 上述个黑松露虾仁蒸豆腐令大家有所失望，而个黑松露蛋白海鲜炒饭就称得上刮目相看。首先个饭炒得爽身唔油已过咗第一关，其次，饭粒混和唔少虾仁、蚬肉、鱿鱼、蛋白碎、葱粒、菜度，口感丰富；加埋黑松露酱嘅「味力」，每口都渗出芳香，值得推介嘅炒饭 。
因为饮品有半价，无理由仲喺奶茶、咖啡，虽然奶茶一向喺啲茶记嘅强项，但见到有新嘢就不期然想试吓。
多田红豆冰 $12（正价$24） 咩叫「多田」？原来即喺加咗阿华田，似乎几特别。大大杯红豆冰面加咗好多阿华田，搅匀之后，又即喺冻华田红豆冰，其实饮落又唔算好特别，叫做一杯嘢有两种口味，又有冻华田饮，又有红豆冰食，心理上觉得抵咗，哈哈 。
米饭班煮个别菜式做得不俗，稳打稳扎，个炒饭亦甚有惊喜，不过，仍有啲地方需要改进一下，好似个豆腐咁，真喺嘥晒啲黑松露酱架！整体评价介乎OK与笑之间，但暂且俾住个OK先，希望下次再帮衬时，俾到个笑佢 。
张贴
