Aroma Truffle (已結業)

黑松露薯片登陆了香港一阵子，终于有机会一尝了。虽然唔系黑松露狂粉，但都几钟意黑松露制品嘅我就当然要一试呢个薯片啦！佢都有几款口味，而今次就拣咗原味黑松露薯片同埋帕马森芝士黑松露薯片试一试。买到返屋企即刻急不及待开嚟食，一开包装就已经有扑鼻嘅黑松露香。薯片系密密嘅波浪纹，几香脆！包装内都见到有啲油但知道佢地用嘅系橄榄油，感觉都健康啲！每块薯片上都有啲莳萝草点缀，增添咗啲香气！两款薯片都几浓郁黑松露味，而分别在于帕马森芝士味多咗阵芝士嘅咸香味，平衡返黑松露嘅味道，又多重滋味！同埋相对无咁咸。但如果系黑松露狂粉，就当然买招牌嘅黑松露薯片啦，个种香味真系会令人食唔停口。而且薯片都几大包，可以同屋企人开心些牙～一次过食唔晒都唔担心，有封口位可以保存返，几贴心嘅设计！