宴 尖沙咀

汤底系由酱油汤同猪骨汤嘅拼锅，两种汤都各有特色。酱油汤咸香美味，仲隐约带点鲜甜味，任何食物落去都好好食；而猪骨汤味道浓郁，散发住浓厚嘅猪肉香味，配埋和牛一齐食更加一流。呢度最出名嘅莫过于任食松叶蟹。松叶蟹系顶级嘅螃蟹之一，佢嘅特色系蟹膏口感实净，味道又特别嘅鲜甜，饱满嘅蟹肉，食咗一啖就会上瘾，完全停唔到口。仲有呢度嘅三点刺身拼盘，味道好新鲜，带有淡淡嘅海水味，食落去清甜可口，口感又好柔软，唔使点样咀嚼，又唔会好腥，好好食。时令野菜拼盘系钟意食菜嘅朋友仔必拎嘅食物，除咗刺身，呢度嘅菜都非常之新鲜，系经过严选出嚟，煮熟咗之后口感同味道都好好，食落去会有清爽嘅感觉，仲可以解腻。特上宫崎和牛系呢度嘅顾客钟意嘅肉类之一，和牛色泽鲜艳靓仔，煮熟咗之后更加系香味四溢，食落去有入口即化嘅感觉，冇牛肉嘅腥味，唔钟意食牛肉嘅人都会爱上嘅味道。仲有就系日本豚肉，比起其他豚肉，日本豚肉更加鲜嫩嘅口感，食落去更加嘅美味。