影片
更多
2019-12-01
22 浏览
夜晚有啲野做黎到荔枝角，好少过黎呢边，行到宇晴轩商场揾野食慰劳下自己一日既辛劳，见到呢间好有日本feel既餐厅，一于试试。套餐设计几特别﹕张野食分做松梅竹菊四大类 (明明食日本野，但用左松梅竹菊变得好中国，哈哈)。松系拉面类，梅、竹、菊系小食类，按个人需要可选松+梅 / 松+梅+竹 / 松+梅+竹+菊。 最后点左樱花虾拉面+炸豆腐+烧牛舌+南瓜炸薯饼1.樱花虾拉面见menu上有手指公，应该系推介。拉面可自选汤底 (味噌/酱油/盐) 同面质 (硬/一般/软)。樱花虾份量好多好香，基本上拣咩汤底都一样，会变左樱花虾味。面条够爽够弹牙，配料都唔错，整体都唔错，但比起拉面专门店就略欠一些令人印象深刻既特色。2.炸豆腐好惊喜，食得出系即叫即炸，上枱仲系热辣辣。炸皮非常薄，入面豆腐依然好嫩好滑，仲舖满木鱼碎，食过番寻味。3.烧牛舌份量都唔少，厚薄适中，有牛味之余又唔’un’，如果厚多啲啲会更加有口感。4.南瓜炸薯饼几款小食最好食呢个，都系即叫即炸，唔会好油，馅料够多唔会只食到炸皮，南瓜又香又软，仲有伴碟沙律。无论单点定套餐都推介点呢个。总结﹕套餐中”菊”既小食最吸引，建议点”松+梅+竹+菊” 套餐
套餐设计几特别﹕张野食分做松梅竹菊四大类 (明明食日本野，但用左松梅竹菊变得好中国，哈哈)。松系拉面类，梅、竹、菊系小食类，按个人需要可选松+梅 / 松+梅+竹 / 松+梅+竹+菊。
最后点左樱花虾拉面+炸豆腐+烧牛舌+南瓜炸薯饼
1.樱花虾拉面
见menu上有手指公，应该系推介。拉面可自选汤底 (味噌/酱油/盐) 同面质 (硬/一般/软)。樱花虾份量好多好香，基本上拣咩汤底都一样，会变左樱花虾味。面条够爽够弹牙，配料都唔错，整体都唔错，但比起拉面专门店就略欠一些令人印象深刻既特色。
2.炸豆腐
好惊喜，食得出系即叫即炸，上枱仲系热辣辣。炸皮非常薄，入面豆腐依然好嫩好滑，仲舖满木鱼碎，食过番寻味。
3.烧牛舌
份量都唔少，厚薄适中，有牛味之余又唔’un’，如果厚多啲啲会更加有口感。
4.南瓜炸薯饼
几款小食最好食呢个，都系即叫即炸，唔会好油，馅料够多唔会只食到炸皮，南瓜又香又软，仲有伴碟沙律。无论单点定套餐都推介点呢个。
总结﹕套餐中”菊”既小食最吸引，建议点”松+梅+竹+菊” 套餐，两个女仔其实都够食，加埋一都系大约$200 埋单，而且坐得舒服无时间限制，啱晒同朋友边食边倾。
张贴
