板神居酒屋 (銀八)

作为板神嘅忠实fans, 佢哋推出咗新嘅餐厅板神居酒屋，梗系要去试吓啦。餐厅嘅气氛好好，好热闹，最记得嘅系佢哋嘅装饰真系有1000 Yen吊住喺度，好搞笑！！😝😝我见到佢有优惠，仲要劲荀，提早一日book枱嘅话就可以用$5食到A5和牛寿喜烧，可惜我去到餐厅先发现，但系唔紧要，嘢食嘅性价比都几高，价钱份量都亲民呀！❤️❤️前菜叫咗烧鱿鱼一夜干，配住酒饮嘅话真系几唔错，一边倾计一边食一边饮酒。烧得好香口。明太子玉子烧，玉子厚身滑嫩，再加埋明太子嘅点缀，令到味道再升华👏🏻👏🏻👏🏻个卖相已经好吸引了，味道都相当唔错！免治鸡肉串梗系要配生鸡蛋，鸡肉入边应该捞咗少少鸡软骨，增加咗成个口感，鸡肉味道都几浓郁👍👍樱花虾三文鱼子釜饭，一打开盖就俾佢震撼到，超级多料，诚意十足呀！樱花虾同三文鱼嘅配搭好好，我哋都好钟意食。牛肉乌冬，唔系我哋平时食嘅肥牛系好靓嘅牛肉，出色嘅牛肉配埋出色嘅乌冬就系一个高级嘅享受ya!! 值得推介三五知己嚟呢度品尝美食❤️❤️👍钟意饮酒嘅更加唔好错过，有超多酒可以拣！今次食饭满意呀😆