夏雪 (已結業)

之前系中环试过First Crack by Summer Ice觉得佢地嘅咖啡☕️同窝夫🧇几正, 于是今日去大围果阵就去试下佢地另一间铺! 可能系星期日下昼嘅关系所以都几多人, 餐厅设有楼上楼下两层, 小妹拣左楼上坐, 环境相对更阔落! 🌟Ice drip(肯雅)入口咖啡味好香, 口感顺滑, 一d酸味都无, 带水果香同微微坚果味, 味道不错🌟Chamomile Tea洋甘菊花茶味道清香, 配搭甜品一齐食会带有阵阵花香, 仲可以清清口腔!🌟比利时双重朱古力窝夫一上枱已经闻到好浓郁嘅朱古力味, 入口朱古力香浓幼滑, 带微微甘甜味, 窝夫热辣辣, 外脆内软, 配埋朱古力酱同软滑雪糕, 邪恶至极😈🌟爱尔兰威士忌咖啡窝夫咬落去啖啖都系极浓咖啡味, 甜度适中, 口感同样外脆内软, 咖啡迷一定岩哂!