大阪日本料理 (已結業)

激上刺身盛9点18切海胆配左紫菜可以包著食，牡丹虾好新鲜好鲜甜，肉质非常爽弹。帆立贝好鲜甜而且又够厚。估唔到仲有大拖罗油脂刚好够淋滑,鱼油好充分食到舔舔脷。油甘鱼系厚切又大件。牛舌芯串 牛舌好软好淋 热辣辣咁烧起，食落仲有肉汁点小小柠檬汁更加滋味。盐烧白鳗串鳗鱼一点都不腥，烧过后好香有小小蕉香。牛肉乌冬牛肉好淋滑好香，好似和牛咁好食又有牛肉味。乌冬好有咬口而且好大碗，2个人食都好够去分，最后食点热食 暖一暖胃十分舒适。最后仲有雪糕做甜品 我就要左椰子味，唔会太甜又够冰冻，几好食为晚餐作结。