麵屋常勝

营业中

休息中

新年继续食好野～今日系2014年第一个工作天，继续出差观塘。中午响观塘东广场揾食，可以赶响繁忙时间1点前入座，大概12点45分到。今日拣咗 面屋常胜。拣左推介嘅 《极尚浓虾汤叉烧拉面》$88，另加$8加咗只溏心蛋，再加$10加多胶樽装嘅玄米茶。落单之后坐低等堂食，唔使等好耐食物就到。一放低已经闻到好香嘅虾汤味，叉烧有4片，上面放有京葱，海带等等，卖相都唔错。先饮啖汤，饮得出系浓浓嘅虾油浓汤，橙色嘅汤底，唔错，饮得到鲜味，但系唔会太抢喉，应该都系如餐牌上所讲嘅无味精。拉面属于幼身，唔太硬身，尚算可以；4片叉烧软淋，肥瘦均匀，唔会太干；溏心蛋嘅溏心效果好靓，样样都恰到好处。埋单$106，午餐可能系小贵，但系要响官塘食到好嘅质素拉面都应该差不多。地方唔算大，未系繁忙时间，唔知到时出餐速度会点。另外见到有外卖优惠，同埋有卡仔储印花优惠，呢间系可以再试嘅拉面小店。