伊賀日本燒肉料理 (已結業)

平时到赫德道一带，多数都系同朋友浅尝两杯，而今晚同呢度嘅目的唔系饮酒，而系食餐优质日本烧肉放题。呢间餐厅并无任何嘅落单纸，用嘅系平版电脑，方便快捷。轻松揿两个制后，各款食物就即将上场。先有刺身船，各款卖相精致嘅刺身睇起上黎吸引之外，味道仲好好: 三文鱼厚切，鱼油味香; 带子鲍片亦都烟韧弹牙，选料够晒上乘。之后就到肉食时间: bite size和牛粒烧得5成熟，一口一粒牛味香浓嘅嫩口，一流享受; 猪腩肉片脂肪比例啱啱好，烧得够熟之余，又够香脆而烧扇贝亦都系必选，系牛油嘅点缀之下，令本身份量大而质感弹牙嘅扇贝加分!而炸物当然不可不叫啦，各款炸物都系即叫即炸，热辣辣上场。炸蚝肥美、炸虾亦弹牙，质素相当高!高质素嘅餐厅，当然要有高质素甜品作结。3款不同味道嘅Movenpick雪糕任君选择，确实系顶级嘅享受。