蟹膳

营业中

休息中

今日约好闺蜜去利园食全蟹宴, 拣咗呢间日本料理, 一入门口店, 就见到日式盆景装修精致高级, 大水池满载松叶蟹和毛蟹, 即叫即煮感觉新鲜！柚子蟹肉沙律先来头盘, 柚子、蟹肉清新酸甜开胃！黑鱼子海胆松叶蟹脚刺身丹麦黑鱼子、新鲜海胆和松叶蟹用海胆壳盛载, 色彩缤纷卖相吸引, 用眼睛都可以望到新鲜嘅感觉！松叶蟹天妇罗拼盘松叶蟹味道爽脆清甜, 流心蛋天妇罗有惊喜, 配绿茶粉真系唔错！松叶蟹甲罗烧蟹肉、蟹膏口感幼滑蟹味浓郁, 钟意食蟹膏一定要试下！毛蟹清汤用蟹肉打成肉丸, 内里包著蟹膏, 啖啖肉厚实鲜甜！毛蟹醋物拆骨蟹肉配海藻, 酸酸甜甜开胃减腻。毛蟹火锅昆布清汤底, 新鲜毛蟹脚烹煮两分钟鲜味十足。最后店员会加入鸡蛋、紫菜、三文鱼子, 烹煮成毛蟹粥, 软绵滑溜带清甜蟹味。柚子冰淇淋有粒粒柚子果肉, 冰凉清甜, 为今晚蟹宴划上完美句号。