影片
更多
2024-12-10
0 浏览
好后悔冇系入去前先睇openrice食评，服务极低劣，真系贴钱买难受，大家自己睇路🙄事实证明openrice上面劣评比好评多嘅食肆唔系被恶意抹黑🤦♀️一行12人家族聚餐，约晚上6点到，除左我地唔够5枱客，6点15分左右落单12人全包套餐$2388，6点40左右表示可以开始上菜，最初一小时上菜速度好快，但食物质素绝对唔算好。蚝皇北菇伴玉掌，冬菇是酸的🫠(叫了部长后对方只将剩下的冬菇拎走，然后完全冇左下文，冇主动处理问题，直到我地问要点补救先话会补番冇问题嘅冬菇）京烧柚子骨，只食到外层柚子酱味，肉冇味😑豉油虎虾，肉非常柴😵💫食到7点30分左右，仲有一个糯米饭同甜品桂花糕未到。我地一路等，中途仲有侍应黎问我地糯米饭到左未，但一直未见到糯米饭。去到8点觉得唔对路，第一次直接揾女部长追，女部长叫我地等等，然后一直冇回音。去到8点30分见到另外一枱比我地迟好多嘅客竟然上左糯米饭，于是第二次揾女部长同侍应追，但都系继续叫我地等。再10分钟后，第三次追女部长，仍然叫我地等 (同一时间有其他几枱都系度等紧呢两样野）等左超过一个钟我地决定唔再等，大家执好野直接去收银处要求取消糯米饭+甜品同找数。然后女部
事实证明openrice上面劣评比好评多嘅食肆唔系被恶意抹黑🤦♀️
一行12人家族聚餐，约晚上6点到，除左我地唔够5枱客，6点15分左右落单12人全包套餐$2388，6点40左右表示可以开始上菜，最初一小时上菜速度好快，但食物质素绝对唔算好。
蚝皇北菇伴玉掌，冬菇是酸的🫠
(叫了部长后对方只将剩下的冬菇拎走，然后完全冇左下文，冇主动处理问题，直到我地问要点补救先话会补番冇问题嘅冬菇）
京烧柚子骨，只食到外层柚子酱味，肉冇味😑
豉油虎虾，肉非常柴😵💫
食到7点30分左右，仲有一个糯米饭同甜品桂花糕未到。
我地一路等，中途仲有侍应黎问我地糯米饭到左未，但一直未见到糯米饭。
去到8点觉得唔对路，第一次直接揾女部长追，女部长叫我地等等，然后一直冇回音。
去到8点30分见到另外一枱比我地迟好多嘅客竟然上左糯米饭，于是第二次揾女部长同侍应追，但都系继续叫我地等。
再10分钟后，第三次追女部长，仍然叫我地等 (同一时间有其他几枱都系度等紧呢两样野）
等左超过一个钟我地决定唔再等，大家执好野直接去收银处要求取消糯米饭+甜品同找数。
然后女部长声称桂花糕黎左，我地话要离开请佢地俾其他都系呢个套餐嘅客，要求佢扣番冇黎嘅菜式钱俾我地找数。
结果女经理话甜品系送（明明写左系套餐菜单入面，点分咩野系送咩唔系❓），套餐亦唔可以扣钱要收全数❓❓（此时糯米饭依然冇影）
我地坚持唔再等，要扣左冇上嘅菜式钱找数，结果佢乜都冇讲就走左去，我地系收银处又干等左超过5分钟🫠
等佢返黎，依然话要俾全数但可以将糯米饭同甜品打包俾我地，好似问题唔系佢地度咁🙄
我地拒绝，跟住女部长来回出入几次又用左15分钟，最后话只能减$80😂
12人份的糯米饭和桂花糕只值$80系咪证明左你地呢d食物质素就系咁差❓
我地表达不满，然后个女部长揾左个男经理出黎应付我地🙄
呢个经理最极品，一上黎就话公司政策只可以减$60 (连$80都唔系🙄），话系我地唔接受打包所以要收全数，仲话我地唔满意可以报警，言词极度挑衅😊
理论中仲大大声喝在场的女士，情商超低亦都完全唔认错，做食肆经理做到咁，怪唔知得香港饮食业会一潭死水啦🤗
我地白等左超过一个钟，已经俾足耐性，宜家连埋单都要再浪费我地半个钟，真系冇下次🥰
后尾返到去仲要发现佢地系张单度夹硬剔左糯米饭同桂花糕 (红笔系我地自己mark睇下d野黎齐未）🤣
晚市12人餐
$2388
0 浏览
0 赞好
0 留言
张贴
