牛禪燒肉日本料理 (已結業)

身边嘅朋友成日推介呢间烧肉，终于到我可以嚟试一试啦。早排难得同几个好耐冇见嘅好朋友 ，约出聚一聚， 几大都要豪一次， 一定要饮饱食醉。叫任何套餐或牛盛宴加hkd100/位，就可以饮指定日本清酒放题。炸白饭鱼好少有咁大条嘅白饭鱼，香脆可口， 送酒一流。刺身五点牡丹虾、深海池鱼、三文鱼腩刺身、带子刺身、金目鲷刺身我觉得最正就系牡丹虾刺身 ，味道鲜甜，而且啖啖肉，又弹牙。海胆寿司海胆甘香鲜甜 ，口感creamy入口即溶。重点出场 极上和牛盛宴当中有牛肩、极上牛舌、牛颈脊、牛小排 、尾龙扒、牛腿上肉……最好就跟指示由淡味食到浓味。 职员一放牛肉落烧炉就即刻传来 阵阵牛肉香味既油香，丰腴肥美。而我最钟意食牛颈脊，既有口感，亦有浓郁牛味，充满油香。由于牛肉新鲜，我建议任何调味料/酱汁亦都唔需要加 ，最好就配白饭一齐食， 更能食出牛肉嘅原汁原味。最后食埋个甜品“芒果糯米饭 ”，真系饱到 顶上喉咙。