富士山 (已結業)

近期铜锣湾新开既一间地道居酒屋，入面环境充满著日本风，而且食物质素比其他居酒屋高不少，绝对系爱吃居酒屋既好地方。两个人黎到呢间居酒屋，试左个日式炸鸡翼，渔夫火炙丼再加松叶蟹甲海鲜丼，佢地除左丼饭出名之外，仲有好多寿司手卷同日式小吃都好味，不过最惊喜既系以下呢一样！松叶蟹甲海鲜丼，睇相已经觉得好正，黎到既时候比想像既差唔多，佢上面个甲罗烧真系好正，再加埋有好多鱼生既多丼饭，真系呢个价钱好难食到。之后个渔夫火炙丼，佢入面用既鳗鱼同带子好新鲜，条鳗鱼好肥，又肉厚，夹埋带子食真心一流。最后个日式炸鸡翼好有风格，唔系出面既普通炸鸡翼，炸得好有水准，虽然系单骨，但啲鸡翼都好大只，好好食。试左一次，整体都好好，价钱又合理，下次会再试多几款唔同既野食！