椰仔冰室 (鳳琴街)

营业中

休息中

见图识字，食lunch时间落单喺13：40分牛柳焗饭 14：15分终于到左咖喱鸡脾饭 追呢个饭2次，最终出多个牛柳焗饭，我话我喺追鸡脾饭，待应话sorry依家即刻出然后15分钟未有再追多次，同我讲厨房部机坏左出唔到纸，依家整紧，我话其实咖喱汁都整好架啦，整只鸡脾洗唔洗咁耐，待应话整紧3分钟出等到15：00，我已经忍无可忍，睇住隔离食tea都食完个鸡脾餐，真系开始吊鬼收银话：咁你仲要唔要个饭，我帮你取消我：唔系你一句取消咁简单，你要我坐左1个钟以上，系咁话整紧整紧 3分钟，食晏个班都走晒，依家个个食紧tea, 你接唔接受等个鸡脾饭要1个钟20分钟？我喺食客唔会去理你厨房有无机纸。吊完鬼之后，结果就真系3分钟出左个饭嚟。15：04我见到自己个午饭，椰仔招牌咖喱鸡脾饭😑一路食那边厢又听到有客落单，都吊紧个待应态度差；food panda又吊紧等1个钟无出餐，点同客交待...etc 希望呢个集团嘅高层或者老板睇到食评，眼见舖头人手充足，唔该好好监察下自己餐厅，管理唔到出品就唔好开咁多分店。绝不建议帮衬，完。