新麻蒲 BBQ (東港城) (已結業)

Lunch漏单半个钟，最后仲要系我地发现周围啲人都上哂餐先知，枱上个钟仔系坏既，最后我地自己叫侍应，跟住check单先话sorry叫我地再落过。入黎之前已经系出面等左15分钟（无人排队），叫极啲侍应都无人理，最后等左好耐终于揾到人安排座位。心谂好啦唔紧要，重紧要都系野食（因为之前食过味道系几好），两个人食于是叫左一个$82火山芝士炮菜炒饭+午市猪/牛套餐B，点知黎到啲野食都系一塌糊涂。首先个前菜一般般，无左鱼板=无左灵魂。好啦饮杯水过下口，点知啲水劲重水喉水味，换过一壶都系一样。其次，个火山芝士炒饭系唔知食紧乜，得少量芝士味，完全无其他味，第一次食无乜味既炒饭。最后，个午市套餐B个份量系少过上次食既份量好多，起码一半。埋单个阵我仲有问佢地系咪转左厨师，佢地话系。我怀疑连啲侍应都全部转过哂。