影片
更多
2021-11-22
3817 浏览
一入门口坐下，纯粹问吓侍应有冇大闸蟹，女侍应即拎几只出嚟，话八两半出面冇架，1500蚊一只。 我同朋友，两个细食的女仔,；只想轻轻地食个午餐, 就问佢 ：有冇细只啲嘅蟹？招呼我哋那位小姐即答 ：冇！咁我哋礼貌地话唔使喇，佢即睇你唔起白鸽眼，转身走开。佢叫另一个中年阿叔嚟招呼我哋。咁我哋就叫个前菜（海蜇），再叫一个𩠌（松子鱼），之后谂住炒碟粉面；问中年侍应：点解揾唔到粉面饭嘅？侍应叔叔即用轻佻的态度话：有呀蟹粉炒面啦！咁我同朋友见又唔想食蟹粉炒面, 就话咁有冇炒年糕？佢答：餐牌冇, 不过厨房有嘅,百零蚊碟啫！终于我哋叫 炒年糕+松子鱼+海蜇，佢竟然话 ：吓？叫咁少？我唯有答佢：我哋平时午餐食沙律㗎都饱, 所以够㗎喇。D侍应服务态度差到呢...即刻想起刘德华𠮶句：今时今日咁嘅服务态度, 系唔得嘅！ 呢间舖头净系识一味狂sell你叫贵𩠌菜，你唔落搭就轻佻对待你。到侍应上菜，就完全明白，点解佢质疑我哋要咁少。因为啲𩠌菜全部系出面正常size的一半， 但价钱呢，就系出面正常价钱的双倍以上，完全系贵得不合理。香港人识饮识食，贵嘢边个未食过，但贵得嚟唔值就系一个问题。𠮶一刻谂：如果我系外国游客, 一
佢叫另一个中年阿叔嚟招呼我哋。咁我哋就叫个前菜（海蜇），再叫一个𩠌（松子鱼），之后谂住炒碟粉面；问中年侍应：点解揾唔到粉面饭嘅？侍应叔叔即用轻佻的态度话：有呀蟹粉炒面啦！咁我同朋友见又唔想食蟹粉炒面, 就话咁有冇炒年糕？佢答：餐牌冇, 不过厨房有嘅,百零蚊碟啫！终于我哋叫 炒年糕+松子鱼+海蜇，佢竟然话 ：吓？叫咁少？我唯有答佢：我哋平时午餐食沙律㗎都饱, 所以够㗎喇。
D侍应服务态度差到呢...
即刻想起刘德华𠮶句：今时今日咁嘅服务态度, 系唔得嘅！
呢间舖头净系识一味狂sell你叫贵𩠌菜，你唔落搭就轻佻对待你。
到侍应上菜，就完全明白，点解佢质疑我哋要咁少。因为啲𩠌菜全部系出面正常size的一半， 但价钱呢，就系出面正常价钱的双倍以上，完全系贵得不合理。
香港人识饮识食，贵嘢边个未食过，但贵得嚟唔值就系一个问题。
𠮶一刻谂：如果我系外国游客, 一定对香港印象好差。
而舖头环境呢，非常残旧，似40年前嘅茶楼，冇错，系“残旧”, 唔系怀旧！
由于我哋唔知佢原来中午只开12-2,我哋1：20分坐低,食到接近两点,佢立即攞张单嚟,叫我哋埋咗佢。然后就拉开屏风板，跟住仲熄灯添。
我同朋友唯有匆匆埋咗呢7百几蚊单走啰，仲惨过去饭堂食饭。
回头一想，执番身彩，好彩冇叫$1500一只的大闸蟹, 否则边够时间食？
张贴