金坊泰國美食

营业中

休息中

今日谂住一大班朋友约埋一齐食饭团年，见好多餐厅铺头都没开。咁依间之前都食过，见佢有开门营业。咁就早几日打电话去问，初三有没得订位啦！店铺就话有得订位，咁我就订7位8点啦。我同太太就早少少去到通知人哋啦，等到八点朋友们都嚟齐。就再通知人齐，店面就话等多一阵。一等就等到八点半，都仲未有枱。咁新年都算啦，咁咪为左大家开心就再等，前后等左一个钟。朋友都话咁样等唔系办法，不如转场食饭啦。咁我就自己行去通知铺头，我哋唔等啦！咁佢都有讲唔好意思，但最尾仲讲多一句：新年没办法。佢唔讲依句都没事，一讲依句就上头，要我初三同你开年。乜样新年没办法呀？我话我一早打电话嚟订位，系您哋安排失当，唔系我问题。您明知新年多人，就一系就唔好接受电话订位，要人自己嚟排队等候。唔系我订左枱都仲要等左成个钟啰！同我讲话枱客已经食晒嘢准备走人，但我有眼睇到系个枱客。根本都无意欲起身走人，仲喺度慢慢食甜品饮啤酒。咁样嘅服务态度点得架，写上嚟系希望大家睇清楚。