影片
更多
2010-05-03
66 浏览
星期六一家人谂住开开心心食饭， Mega Box 啲餐厅都去到闷， 试一试钟菜， 多年前食过铜锣湾时代o个间， 印象不差。电话订位时接线生好有礼貌， 所以满怀希望。点知...到达柜台， 话姓X九位， 姐姐无咩理我， 都无所谓。 最乞人憎系有个男侍应响我哋面前大动作咁行嚟行去， 调戏啲姐姐。 大佬， 有大肚婆响度架， 小心啲啦， 唔该！ 无礼貌！一坐低只见两张菜牌， 系”张“唔系“本”。 我见咁少嘢食， 同埋得番啲又贵又揾笨啲套餐， 就问侍应有无其它餐牌， 侍应先同我讲话无， 我追问之下佢先话今日系母亲节“备课”， 准备下星期母亲节（9／5）， 佢真系讲“备课”架， 我quote佢咋！心谂， 晨早响我顶位时同我讲今日备课， 无平时啲菜叫， 我可能唔嚟架嘛， 一啲都唔老实。此时已经有啲兴兴哋， 心谂唔洗咁大阵仗啊嘛！ 唔通母亲节后一个星期就“覆卷”， 接住就端午节备课、 覆卷， 佛诞备课、 覆卷。 咁搞法个个礼拜都净叫套餐啦。 有无搞错！点都好， 无办法， 好奇的我问侍应可唔可以叫其它菜式， 佢话试试问吓师傅， 有货的话可以做。 此时我又满怀希望， 心谂叫一啲家常菜就无死， 例如中式牛
电话订位时接线生好有礼貌， 所以满怀希望。点知...
到达柜台， 话姓X九位， 姐姐无咩理我， 都无所谓。 最乞人憎系有个男侍应响我哋面前大动作咁行嚟行去， 调戏啲姐姐。 大佬， 有大肚婆响度架， 小心啲啦， 唔该！ 无礼貌！
一坐低只见两张菜牌， 系”张“唔系“本”。 我见咁少嘢食， 同埋得番啲又贵又揾笨啲套餐， 就问侍应有无其它餐牌， 侍应先同我讲话无， 我追问之下佢先话今日系母亲节“备课”， 准备下星期母亲节（9／5）， 佢真系讲“备课”架， 我quote佢咋！心谂， 晨早响我顶位时同我讲今日备课， 无平时啲菜叫， 我可能唔嚟架嘛， 一啲都唔老实。
此时已经有啲兴兴哋， 心谂唔洗咁大阵仗啊嘛！ 唔通母亲节后一个星期就“覆卷”， 接住就端午节备课、 覆卷， 佛诞备课、 覆卷。 咁搞法个个礼拜都净叫套餐啦。 有无搞错！
点都好， 无办法， 好奇的我问侍应可唔可以叫其它菜式， 佢话试试问吓师傅， 有货的话可以做。 此时我又满怀希望， 心谂叫一啲家常菜就无死， 例如中式牛柳。 跟住扯火o既事嚟喇。
我叫咗叉烧、 火腩、 半只烧鸡， 半只豉油鸡， 两碟菜， 咕噜肉， 一直相安无事（因为菜牌有）。 当我叫个中式牛柳时， 个侍应竟然问番我“菜牌有无架”。 不但止咁， 仲问我点煮！！ 痴架！ 我之所以叫中式牛柳系因为菜牌上有一味“黑椒荔枝牛柳”， 有“牛柳”吖嘛咯呱咋嘛吓话， 个汁好易整咋挂。 我再叫个“荷叶饭”， 唔系我作架， 菜牌套餐有“荷叶饭”架。 点知个侍应问完师傅番嚟话“无牛柳”！！ 我立即发难， 之前又话“有货的话可以做”！ 佢坚持话无， 仲逼我叫黑椒荔枝牛柳！ 算数， 黑椒咪黑椒。 好喇， 轮到个“荷叶饭”， 个侍应竟然问我“先生， 响边度睇到个荷叶饭”！ 我好兴咁指住张菜牌话”呢度“， 我问佢”我系未盲架， 帮我叫眼科医生嚟“。 佢终于发现“荷叶饭”三个字， 但系话套餐入面啲嘢唔可以叫！ 又系痴架！ 做唔到个中式汁都算， 连菜牌有o既都“唔俾叫”， 我的反应系“你俾个价钱我， 点可能无得叫”， 佢死都唔俾我叫， 连问吓单叫一个荷叶饭几钱都唔帮我问， 好过份！ 不过成台人叫我唔好劳嘈， 我叫个蛋白炒饭算。 好火滚！
菜一路咁上， 由于台大， 我见其它台有转盘， 我问侍应可唔可以安排一个转盘俾我哋， 佢话无晒！ 有无搞错！ 咁大间酒楼， 你有咁多张大台就唔该你准备番咁多个转盘啦！ 家阵又唔系叫你另外响角落后巷天台厕所开张大台俾我哋！ 过份。 搞到个个要趴上台夹𩠌。
话虽如此， 公平啲， 食物啲味道算可以， 不至于难食。 不过份量就吓死人。 半只豉油鸡一嚟， 我哋一行九人一齐企晒起身望入个煲， 我哋以为上咗个半只豉油”乳鸽“， 细到吖！
啲菜喇， 我哋叫咗两款菜， ”杂菇菜苗“同”腐乳鸡丝唐生菜“。 哗！ 一上就系两碟唐生菜。 问一吓侍应呢个（杂菇唐生菜）系咩”菜苗“咁劲， 佢大胆到话系“唐生菜菜苗”！！ 我话真系未听过。 我又问点解个”腐乳鸡丝唐生菜“无鸡丝呢， 佢即刻去厨房， 番嚟时话其实个“唐生菜菜苗”系搞错， 系“唐生菜”嚟； 另外个”腐乳鸡丝唐生菜“厨房漏咗”鸡丝“， 仲问番我点算！！ 我心谂有无搞错， 钱你一定收足， 料就完全唔足， 仲要问我点！ 我叫佢整番啲o岩o既得喇， 佢先死死气攞番碟”腐乳＿＿唐生菜“入去煮过。 最后， 当大家”遛“o紧牙时先上度腐乳鸡丝唐生菜， 被佢吹胀。
最后埋单好平， 因为样样都唔俾我叫， 食咗＄8XX。 好唔饱架， 番屋企食番个芒果糯米饭先顶得住。
总括嚟讲， 味道一般， 但service劲差， 侍应面皮好厚， 面皮厚本来系好， 但佢面皮厚得好蠢， 讲之前都无谂后果， 态度又唔好。澄清一点， 讲来讲去只得一个女侍应， 唔好屈其他侍应。 今次之后， 我真系唔会番去！
张贴