棋哥燒鵝餐室

营业中

休息中

今日突然想食烧味饭即时谂起去祺哥！下午茶时间好多人啱啱门口有位，之后仲有位婆婆搭枱坐我对面谂咗一阵叫咗个正价叉鹅饭！哗等咗一阵个饭到咗都好快到！但啲筷子又好污糟有食物残渣😵‍💫拣咗一轮先揾到干净嘅！好啦我开始食！我望一望啲鹅…啲鹅嘅质素真心极差！因为啲烧鹅完全冇肉嘅….我知$69一碟饭加杯冻奶茶都唔望有太高质素但都唔好啲鹅全部得骨同肥膏6旧烧鹅得一旧有少少肉🥲我夹咗2旧食😮‍💨除咗食到一口油就冇其他！之后其余几旧就冇食….好彩啲叉烧算正常！唔系得肥肉！差不多全瘦肉但又唔硬㖞！算几好食！不过我本身谂住食烧鹅先嚟呢度😢因为佢哋招牌菜系烧鹅但估唔到会咁差⋯⋯我心谂会唔会系我唔好彩咁啱我果碟烧鹅𠮶位差！我望一望对面婆婆又系食烧鹅！啲烧鹅比我大旧，系啲骨大旧🤦🏻‍♂️都系得旧骨同肥膏…最后婆婆食咗两啖就成碟冇食！我哋对望咗2秒再望下碟烧鹅，大家都知咩事….之后因为太多人入嚟食所以急急脚埋单走人！不过我谂我都唔会再食祺哥因为连招牌菜都做到咁食其他嘅烧味又唔洗一定去呢度！总之冇下次！