小食糖 (已結業)

同朋友行尖沙咀，见到呢间餐厅个名几得意，又想食台湾野，所以入去试下。睇返资料，呢间餐厅应该是属黄店，不过我地发现餐厅入面的deco是用简体，画上红领巾，我谂应该系特登挂。算啦，我都睇得明既。不过两个店员俾人感觉麻麻地，几 hea下，落单都系两个系度玩玩下。我地最后叫左鲁肉便当、蕃茄牛肉面、卤水拼盘、盐酥鸡扒。先讲鲁肉便当，鲁肉少，这个算，最大问题系d饭湿到系蒸萝白糕既质地，我忍唔住同店员讲个饭既问题，佢话唔好意思，今日比较多人拣饭，话翻煮左几次，嗯，佢解释左，不过......其实唔知关咩事。个店员有问不如帮我转面，不过我朋友个面咬落都系似硬硬地既乌冬，所以作罢。到份蕃茄牛肉面，个汤底味似茄膏开，牛肉无牛肉味，个面质头先讲左...... 至于个卤水拼盘，我真心未见过卤水卤完d 猪耳同鸡翼都仲系淡黄色，蛋同卤豆腐算系可以，蛋算系入味，其他都系白烚既味道，究竟系点会咁既呢？至于盐酥鸡扒，真系好油，然而都系无味既，唯一可取系皮都算脆。最后要讲埋个黑糖珍珠鲜奶茶，味道系沟左糖既水，珍珠未熟。小插曲，格离枱有3个女仔食，全程都好接受唔到d质素，走𠮶时都忍唔住问我地，究竟系佢地味觉问题，定还是真系好