麻王 (已結業)

睇网上介绍话麻王好正，我都真系想食好耐了，咁啱早几日系湾仔有野做，终于有机会去试一试佢。麻王所处位置有些少难揾，系向条巷仔入面，我地唔熟𠮶头，兜咗路，去到𠮶时仲有唔够半个钟佢地就要收舖了，好彩大啖啲食快啲，都系赶得切堂食的。之前上网啲觉得最吸引就系佢嘅自选式麻辣烫，有净𩠌拣，啱晒想避开粉面饭嘅keep fit人士同低碳一族，我就系拣呢个嘅。最得我欢心嘅系啲莴笋，估唔到清香扑鼻嘅莴笋同麻辣竟然好夹，个猪红都好嫩滑惹味，但其他配料就还好，冇话比到好深印象我，不过个汤底极正，虽然油咗啲，但啲麻味食到我好爽，bb辣又唔会太over ，所以气管都系舒服嘅。男友个水煮牛肉就再好食啲，跟一碗白饭，我试咗少少，香到我都忍唔住破戒食咗啖饭，好满足。