鴻星中菜 (羅氏商業廣場) (已結業)

跟好好好姊妹在同一区返工，佢临别秋波(我契B仔下星期出世)，想放产假前同我食个lunch，一于食大佢，三个人叫八样野。。上汤鲜竹卷腐皮有少少脆而且索哂啲汤令馅料都好入味。咖哩鱿鱼好香每旧都充斥咖哩味，有咬口而唔硬。蚬芥鲮鱼球热辣辣炸起，醮蚬芥好有家乡风味酥炸鱿鱼须鱿鱼无味，只有外皮有少少盐同七味粉，麻麻地。菇菌肠粉素一素感觉清新，味道亦唔错。芋丝炸春卷仲以为好似蜂巢芋角添，同一般春卷无两样。准人母话要食芋头糕同烧卖一望就见有粒粒芋头，即叫即煎，够味道，但糕粉方面我觉得有啲「削」淋淋的。我1245放饭，佢就1300放饭，所以要极速食。。。好赶