上品火鍋料理 (已結業)

辣酒煮花螺就食得多不过去到用在辣酒花螺（大辣）做汤底去打边炉今日真系第一次试一上台个汤底红卜卜颜色非常之抢眼而且𠮶种先声夺人嘅辣味扑鼻而来估唔到叫咗呢个汤底之后就已经有一种可以即食嘅海鲜了一放落口𠮶种令人开胃都打冷震嘅辣味已经充斥着成个口而且个花螺个鲜甜味唔会俾呢种霸道嘅辣味盖着而且花螺刚刚好熟所以仲系非常爽口如果唔系多得个店员提醒恐怕花螺煲煲下都变成汤渣已经变得好硬了本来净系想叫一种本地新鲜肥牛但系又想食其他牛肉正当系我谂紧之际竟然俾我发现有上品牛肉拼盘个拼盘入面唔单止有本地肥牛肉仲有牛柳粒仲有牛肋条牛胸油仲有金钱展我就最钟意食佢个金钱展因为唔单止肉味好重之外仲更加有少少咬口而且肥膏又唔多之后再叫左个双拼就系西班牙黑豚肉同埋珊瑚蚌西班牙黑豚肉有一层薄薄嘅猪油但系呢一层猪油就真系不得了因为猪肉嘅香味完完全全来自呢一层薄薄嘅油脂好食到不得了而且珊瑚蚌好爽口有时唔小心渌耐左呢种珊瑚蚌都唔会缩晒水而且呢个花螺汤底同海鲜都好衬小小嘅辣味完全可以调起晒海鲜嘅鲜甜味